انسان بلا وجدان
السبت، 29 نوفمبر 2008
اول يوم تدوين
غير أول يوم حُب ، وأول يوم سفر ، وأول يوم مدرسـة !! يوم غبي جدًا !!!! أستغفر الله ، (مش اليوم يا ستي ) أنا ، ما علينـا . . .
المهم إنه منذ ابتلاني الله بلعنة التدوينـة ، وأنا معتبر نفسي مسؤول عن المدونات الموجودة ، ودي مهم أشق من مهمة الساعي في مصلحة حكومية في نظري !!، أصل أسخف حـاجة على اللي ف سني إني أقعد أشوف ده بيتعمل إزاي ، وده بيتعمل إزاي ، ومش عارف إيه وكده يعني ، . ، ، ، ، المهم ...
دوشت نفسي (كمبتدئ تدوين) بالبحث عن المدونات اللي تشرفني !! ، واصصراحة إن كلهم فظاااااااااااع ، أصلاً يبدو إن التدوين ده خرج مكنونات البشر اللي بيعرفوا يكتبوا !! ، وإلا فبماذا تبرر إن قائمة المدونات الكبيرة التي حاولت تجميعها ، لا يوجد بها مدونة واحدة"سيئـة" !!!. . .
طبعًا هتقدروا إنها مشكلة "حقيقية" ، لو عديتوا ع اللستـة اللي على يمينكم دي ، أنصحكم ألا تفعلوا !!! ، ركزوا معايا هنا . . .
وا الله يسامحه (بقى) الأخ الصحفي ياسر علام اللي افترض في إسلام أون لاين إن المدونين عـقلاء الإنترنت ... و الكلام ده قريب ، وبيني و بينكم أنا حسيت ف موضوعه إنه كاتبه من فوووق حبتين !! ، يعني أي نعم عقلاء ، لكن دول عقلاء المجانين !!!
عقلاء إنترنت بأمارة إيه ؟؟؟
اصصراحـة برضه ( يا ولااااد ) لما كنت بفكر في التدوين ، من ييجي خمسميت سنة كده ( بما يعادل 5 شهور بتوقيتكم) جمعت مجموعة من المدونات الحلوة ، والحادقة، وافترضت إن التدوين أصله" سياسي" ، أو أحد أهم دوافعه السياسة !! ، ولما كنت ف السياسة (بتخنق بسرررعة) نفضـت. . ، لكن البحث و التنقيب، أثبتوا لي إن القاعدة الأساسية هي الاختلاف ، ثم الفضفضـة ، وده أكثر ما أعجبني ، وأبهرني في المدونات ، ثم ( واللي بعد كده) إن أصدقائي الأوغاد ا ، وجدتهم لجأوا للتدوين (رخرين)
لكن ذلك كله لم يهن من عزيمتي ، ولم يفت من عضدي ، بقيت غير راضٍ عن موقعية التدوين !! ، وبرضك ( يا خويا ) و أنا بقلب ، وبلف ، وبدووور ، لاقيتني بمر على مدونات ذات صبغة أدبية راااقية ، يعني المسألة لم تعد مجرد فضفضة ، أو شعـر ، وإنما كتابة ( بمزاااج) بمزاج عالي كمان ،
وناس تانيين ، عالم المدونات ، و السبيسس ( جمع سبيس = مكان " خدمة تمنحها الهوتميل لمشتركيها ، و تصنع لهم مواقعهم الخاصة أيضًا ) .. أكتشفت فيه الكثير من الإبداع الصااامت ....
حينذاك ( ومع الاهتمام الإعلامي البطيء ـ كعادته ـ ) بالمدونات ، بدأت أحاول فهم المدونات من خلالهم ، واشكر صديقى (( ابو على ))شكر خاص جدا على مساعدتى فى الدخول لهذا العالم الذى احببته قبل ان اكون جزءا منه !!!
